早餐孖寶,勁抵食 !

所以每次經過 #皇廷工房點心專門店 都流晒口水!
人生最爽嘅事,就係有一位同你同嗜好嘅同事,
肯陪你喺lunchtime 嘆個茶,
我哋兩個女仔好放肆咁叫野食!

叉燒腸、蟹籽燒賣、薑汁糕、豉汁蒸鳳爪、蘿蔔糕...
呢啲真係唔少得,一人一句差啲停唔到口。

豉汁蒸鳳爪好入味,口感軟潤,味道啱啱好。

叉燒腸真係好香滑,想再食多次,
叉燒肥瘦適中,令腸粉幼滑中有咬口。

蟹籽燒賣大大粒,上枱熱辣辣,蝦肉彈牙,超正!

超級推介薑汁糕,好啱女仔食!
薑味濃郁,越咬越香,而且佢係一層層,咬落口煙煙韌韌好有口感!

其實好想叫埋喇沙牛柏葉、山竹牛肉、糯米雞,
仲有試吓佢哋嘅蒸飯,
但係得兩個女仔!唯有下次啦,等我啊!
不得不提,呢度嘅外賣早餐孖寶,勁抵食 !

$28蚊 就買到👉🏻2款點心+熱飲
附近嘅酒樓絕對做唔到呢個價!
想嘆吓茶,又要性價比高嘅朋友仔,
唔試就走寶啦!



留言