場地分享|地段一流|尖沙咀婚宴場,適合大小圍數


1.jpg
轉眼間又去到五月,時間過得好快,一個婚禮真係會令人覺得一日48小時都唔夠用,我同男朋友呢幾個月都周圍去睇婚宴場地、出門酒店、參加婚展,睇下酒席等。講真,個人真係好攰T_T,不過好彩有好多野都可以上大家嘅blog睇下,就唔使我行咁多冤枉路。


其實之前我睇嗰兩個場自己都好滿意,但係長老們好想我哋搵個喺九龍區或者港島區嘅場,咁我就唯有繼續再努力搵啦!所以嚟緊嘅呢個月都係我哋嘅睇場月!
睇咗順便分享埋畀大家,呢個場係之前有B2B介紹我,以地點來講佢絕對冇得輸!喺尖沙咀The ONE入面,離地鐵站B出口只係5分鐘路程,仲好近我屋企!佢喺The ONE 12 樓,有專lift直上, 賓客嚟婚宴同走嗰時就唔洗同其他樓層嘅人迫,非常方便又貼心


2.jpg


呢度有兩個主要嘅宴會場地,兩個場都係高樓底。先講講東海廳,呢個場完全冇柱超開揚,而且佢係以闊為主,就算賓客坐到最後一位,都絕對唔係山頂位,而係握手位,非常清楚咁望到個台!呢一點我自己好滿意!
加上佢成個場都係落地玻璃,如果擺午宴嘅話,個景會好靚!
而晚上既話,個玻璃窗係寶藍色,玻璃透出去可以睇到夜景,我覺得開揚好多~
而且佢係以白色同粉紅色為主,金色枱椅,浪漫得來又夠grand!
我啲相都係用手機影,出黎嘅效果都好唔錯,到時應該會好滿意!


9.jpg
係花牆後面就係獨立新娘房,基本嘅梳妝台、大鏡、SOFA、獨立廁所、夾萬都有齊晒。
東海廳可以擺到24圍,包場就$168,000,不過我同屋企人商量過,我諗我最多都係擺10至15席,經理話可以間2/3畀我,最低消費11萬,計埋酒水,加一。


4.jpg


穿過走廊就可以行到同層另一個宴會廳-維港廳。如果包維港廳,就可以用埋呢個小舞台。我好鍾意個歐式歌劇台,都幾襯我地張結婚相,都係歐式風格,到時可以放個人形紙板放喺中間,就做到個打卡點或者宴會前嘅影相點吖!


5.jpg


7.jpg6.jpg


我自己就心儀維港廳,因為睇中左樓頂嘅水晶燈,令到成個場簡潔得來,超優雅!而且成個場以淺色為主,影出嚟嘅相主色可以比較光一啲!
成個場最多可以擺32席,要晒嘅話最低消費$238,000。如果好似我咁預10席左右,就會俾1/3個場我 ,到時所有親朋戚友聚集喺大台前,感覺好close! 最低消費6.5-7萬。


佢嘅主台有啲似歌劇院嘅感覺,台板夠晒高,而且台中心係一個大嘅 LED 屏幕,可以畀親友清清楚楚咁睇到成長片段!


8.jpg


嫌一個LED 屏幕唔夠嘅話,成個場周圍仲有幾部掛牆電視可以比親友睇到!


3.jpg

最後呢個廳頭尾各有一個獨立新娘房,都係大鏡、SOFA、獨立廁所、夾萬有齊晒,仲有蒸氣熨斗同位置掛婚紗!如果包全場,姐妹需要補妝扮靚就可以去場尾間房,變相多d位置比大家去用。而包半場嘅都唔洗驚要由頭走番去尾嘅新娘房,方便換衫換妝!
總括黎講尼個場都係我考慮之一,睇埋黎緊果幾個,我諗都可以決定到。我會繼續同大家update!!!

留言