【純個人分享】港島場地|全場都係影相位,6萬可包43席大場



1
原本預大搞而家變咗細搞,減到得返10圍左右,所以場地又要睇過晒,今個月變咗睇場月! 嚟緊仲有幾個場,我會繼續同大家分享下,交換下意見!
今次睇嘅場喺太古,好近男家,基本上場地佈置、空間、$$我都好滿意。
呢度有兩個宴會廳,下層嗰個係大廳,擺到43席;上層就買到26席。 最令我心動嘅係竟然擺10圍都可以將成個大廳俾左我!最低消費仲畀我講到6萬!!! 我聽到果下真係堅心動!
2
( 此概念圖為網上圖片)


首先講吓個主台,三級台階我最愛,backdrop簡而精,有啲韓式感覺,絕對係我杯茶! 同好多Pre Wedding室內景都差唔多(概念圖),Big day嗰日影到呢啲相都非常唔錯!
我自己覺得尼個背景好襯魚尾/A line 婚紗(可參考最後一張網上概念圖)。
另外我鍾情呢個場,係因為呢度樓底高, 仲有水晶燈,配上白、香檳金做主色,成件事真係好elegant!
同大家講過,我係好睇重打卡位,希望成個婚禮好似party咁, 多啲打卡點可以令親友們嘅參與度高啲、大家互相聯誼下,一齊影吓相。 而呢個場嘅優勝點係好識運用空間,令到每一個角落都係一個打卡點!


打卡點1:


9
一入門口已經有個打卡位,因為如果join主題婚宴, 就會有座地水晶燈放喺門口,我計劃會整個人形紙板放喺隔離, 等入場嘅時候大家可以同佢影吓相。
Btw,我覺得簽名枱,同Candy corner個位夠晒闊,呢一點唔錯!


打卡點2:
4
一入門口嘅左手邊有一幅LOVE場,仲有兩張型格沙發,穿住婚紗或者穿晚裝去影吓相, 應該超級襯!我諗可以租件型格啲嘅晚裝,去影幾張chok相!


打卡點3:
7
3
入口嘅右手邊,係一幅列車墻,所以我話佢哋真係好識利用空間環境佈置。 加上柱上嘅大鐘,此情此景,好有法式浪漫嘅感覺!


打卡點4:


5
IMG_6669.jpgimages-(2).jpg
( 此概念圖為網上圖片)
LOVE墻嘅後邊,有一幅行李箱墻,我同我男朋友都好鍾意旅行,影尼幅牆超應景!
影出黎會有啲似概念圖嘅感覺。
8
俾多張遠景圖大家睇,呢度有落地玻璃窗,如果大家擺午宴,陽光透入係都幾靚!
加上尼度好開揚,無論席數多定少,空間都好闊落!
本來想入埋去新婚房睇下,不過當日晚上有婚宴,個場已交咗畀新人lu....
不過我對尼個集團好有信心,因為之前去過好多分店新婚房永遠只會令人心動!
10
除咗下面個宴會廳之外, 2樓仲有另一個宴會廳,首先俾個全景大家睇吓!
以白色為主,好有純潔、高雅嘅感覺。
因為尼度當日晚上都會有百日宴,都係無緣新婚房。
11
經理話好多新娘都係為咗呢條白色長地毯而擺呢個場,咁又係,新人進場嘅時候真係幾優雅!
12
呢個場嘅backdrop同樓下嘅差唔多,都係以韓式風格為主,台中有個大投影機, 播成長片段時大家都可以一目了然!
13
Btw,咦呢個玻璃角落我都幾鍾意,玻璃窗上面擺咗小盆栽,好有清新嘅感覺!
我知道呢個宴會場地超受歡迎,因為個火車場實在太多人鍾意, 而最吸引嘅係有七折至九折優惠(唔同日子有唔同折扣), 所以我已經將佢放咗落候選名單之一, 等遲幾日睇埋其他場再一次過決定!到時再向大家報告!

留言