好味又有特色 | 十字冰室


一向好少嚟西環,前幾日咁啱要去探朋友,經過十字冰室,見到個佈置又懷舊又有特色,所以就同朋友仔一齊去試吓!

瑞士雞翼撈韓式麵 係我嘅首選,雞翼好滑、好入味,啲瑞士汁味道適中,我最鍾意就係將韓式麵撈晒啲瑞士汁黎食,哇~正啊!

朋友仔話識食一定係食王牌套餐喎,所以佢叫咗個牛尾湯通粉,配黑松露炒蛋、多士!呢度啲炒蛋又香又滑,一試上癮!

牛尾超級大舊,非常足料,肉質腍軟,湯夠晒入味,通粉份量多,好抵食!

食食吓比隔離枱嗰杯紅豆冰吸引着,所以我哋加$18轉左特飲!係好邪惡嘅雪糕紅豆冰!!!真係好正!滿足晒!

留言