靚到唔捨得食 | La Famille


前幾日睇同事iG,見到個超級精緻嘅Bavarois,
一問之下,原來係出自La Famille,
所以立即拉左男友衝黎食~
我地去左銅鑼灣耀華街分店,地點幾方便。

店舖裝修得好優雅,係簡潔中帶D少女感,
好岩成班姐妹黎High Tea。
同埋好鍾意佢夠寧靜嘅感覺,
店內係一個令人放鬆嘅地方。

連MENU都設計得好靚,
係少女嘅優美感呀!


坐底之後,就急不及待去揀野食,
望住個雪糕櫃,有一種好矛盾嘅感覺,
一方面想將所有CAKE食晒落肚,
另一方面見到每個都好似藝術品,又唔捨得食,
特別係 Bavarois ,每個都晶瑩剔透,
於是同男友一人叫左一個~


我係抹茶控,叫左 "有機蜂蜜果凍 X 宇治抹茶巴伐利亞 Bavarois ($42)",
上層係抹茶味JELLY,係Q彈嘅果凍口感,
JELLY入有 有機嘅和風食用花,
食落口有清香嘅花香、果香,好清甜~
下層係抹茶布甸,好香滑,
整體好清新,又唔會過甜,超好味!
食左都唔會好大罪惡感!

另外,揀左個 " 藍蝶花果凍 X 荔枝紅桑莓巴伐利亞  ($42)"
上層係荔枝味JELLY,個荔枝味好出,
夏天食真係岩晒~
荔枝味比抹茶味甜少少,
兩個都好好味,好解暑!


一人一個Bavarois梗係唔夠食啦,
又驚眼闊肚窄,所以叫多左個細CAKE,
講真個櫃入面真係花多眼亂,
最後揀左椰子香芒。
嘩,店員拎到黎已經勁香,D椰子出晒黎,
食落口好鬆軟,芒果好鮮甜,
係果種食完會掛住嘅感覺。

最後嘆埋個凍日本和茶,
清清喉嚨,非常唔錯~

留言