超正佛跳牆!!!食過番尋味|利寶閣



IMG_5090.JPG

晚上食中菜多數都係成班人,貪佢圓枱方便傾計、價錢又化算,
至於2個人黎食晚餐...就真係少之又少,
今次老實不客氣,全係因為左個原盅佛跳牆谷飼豚肉叉燒飯 而黎!


IMG_5131.JPG
當晚9成滿,不過我地2人坐左4人枱,
D座位好闊落,我同朋友都坐得幾舒服,
同埋一定要讚下D店員,個個都好有禮貌,服務非常好,

IMG_5093

IMG_5096IMG_5097

落單之後坐左一陣,個原盅佛跳牆就到左,
上枱時熱辣辣,打開蓋超級香呀!!
最重要係!! 佢張宣傳圖無呃人呀,
真係同個圖一樣甘足料!!!

入面有鮑魚、遼參、魚翅、花膠、瑤柱、花菰、蹄根。
一打開就見到滿滿既魚翅,睇佢絲絲分明,口感軟滑細緻,有彈性;
隻鮑魚都好脆嫩、彈牙!!!
IMG_5103

IMG_5101

重有呀花膠好大塊,好軟滑;遼參好爽滑,爽中帶腍,
而湯真係精華所在,真係好香濃,有食過番尋味既感覺,
未食完已經計劃緊下次再黎。

IMG_5105

谷飼豚肉叉燒飯 係用公雞碗上,好有情懷~


IMG_5109


以我所知利寶閣既叉燒好出名,的確名不虛傳
叉燒肥瘦適中,外層燒到有少少微焦,
咬落去多汁味鮮,有入口即溶既感覺。
連隻太陽蛋都係流心咖,旁邊菜心都好新鮮爽口,
配埋甜豉油撈飯,真係好滋味!!

IMG_5117
另外重叫左2個特價小菜,瑤柱生滾什菜煲菠蘿咕嚕肉
上枱都係熱辣辣,瑤柱生滾什菜煲既瑤柱份量好多,令成個湯都好甜,
而且重有粉絲、木耳、蝦米、草菇,可以清沛腸胃。


IMG_5115
菠蘿咕嚕肉,咬落口鬆脆汁多,咕嚕肉外層有少少脆口,內裡軟滑,
重有菠蘿配上酸甜汁,令我食慾大增!!!



IMG_5126

最後,好彩叫埋尼個鮮忌廉香芒卷,
甜度好適中,面頭鋪滿椰絲,令口感更加清香,
外層係橙色既粉皮,煙韌軟滑,中間係椰汁糕,內層重有芒果肉!!
食完大滿足~!!

本來想叫多個楊枝甘露,可惜可以賣晒~
唯有下次再黎!!!

留言